Денес нашето училиште, „Стив Наумов“ –Скопје, срдечно им ги отвори вратите на новите првачиња кои беа пречекани и поздравени од страна на директорот, Елизабета Јовановска, одделенските наставници, вработените и водителот на приредбата, Слободанка Басотова. Со топли желби за среќен почеток и за успеси во натамошното школување нашите првачиња денес зачекорија по еден нов пат – по патот на нови предизвици и поучни искуства, во еден нов свет – во светот на науката, знаењето, етиката, новите пријателства и другарувања.
Благодарност до учениците, членови на Детската организација, од IIв, IIIа, Vа, Vб и Vв одделение за својот несебичен придонес и ангажман на приредбата со одбран репертоар наменет за нашите првачиња, кои се и нашата иднина.
Драги првачиња, ви посакуваме успешна и безгрижна учебна 2022/2023 година!
01.09.2022 Координатор за Детска организација:
Елизабета Каранфилова
Предметна настава:
Бојана Митевска