Во рамките на демократскиот процес на ученичко учество, учениците од нашето училиште добија можност да изберат нов ученички правобранител и негови заменици. Избраните претставници имаат задача да ги застапуваат правата и интересите на ученичката заедница, да иницираат предлози за унапредување на ученичкото секојдневие, како и да промовираат култура на почитување, соработка и позитивна атмосфера во училиштето.
За ученички правобранител е избрана ученичката Ивана Накова IXв одд, за заменици на ученичкиот правобранител се избрани ученичките Деспина Ацевска VIIIв одд и Јоана Панова VIа одд.
Честитки до избраните ученици!
Очекуваме од новиот правобранител да биде гласот на учениците и да придонесе за поубаво и поправедно училишно опкружување.